საფოსტო სამსახური Swiss Post-ი და სატელეკომუნიკაციო ფირმა Swisscom-ი შვეიცარიაში, ბლოკჩეინ აპლიკაციებისთვის უსაფრთხო და საიმედო ინფრატრუქტურის შექმნისთვის გაერთიანდნენ. ორივე კომპანია ქსელს საკუთარი სერვისების მართვისთვის და სამომავლო აპლიკაციების შექმნისთვის გამოიყენებს.
ეს ინფრასტრუქტურა სხვა, არსებული ბლოკჩეინ აპლიკაციებისგან განსხვავებული იქნება, ვინაიდან უსაფრთხოების და კონფიდენციალურობის მიმართ არსებული ბანკების მაღალი მოთხოვნებიდან გამომდინარე, ინფორმაცია მთლიანად შვეიცარიაში დარჩება.
საჯარო ბლოკჩეინებისგან განსხვავებით (ისეთი როგორც Bitcoin-ი და Ethereum-ი) მოცემული კერძო ინფრასტრუქტურა ნაკლებად ენერგოხარჯიანი იქნება, ვინაიდან მის გამოყენებას მხოლოდ იდენტიფიცირებული მომხმარებლები შეძლებენ. ეს შეთანხმების პროცედურების ეფექტურობის გაზრდის საშუალებას შეუწყობს ხელს, და ასევე მნიშვნელოვნად გაზრდის უსაფრთხოებასა და წარმადობას. ბევრი კომპანიისთვის, საკუთარი ბლოკჩეინ-აპლიკაციების ამოქმედებისას, ყოველივე ეს გადამწყვეტ არგუმენტის როლს თამაშობს.
Blockchain for Utility (B4U) სერვისის გამოყენებით, კომპანიებმა Post Finance და Energie Wasser საპილოტო პროექტი აამოქმედეს. მისი მეშვეობით ფოტოელექტრული სისტემით აღჭურვილ სახლის მფლობელებს, თვის ბოლო დახარჯული ელექტროენერგიის საფასური ბლოკჩეინში ავტომატურად მოსდის.
ორივე კომპანია საკუთარი აპლიკაციებისთვის Hyperledger Fabric პროგრამულ უზრუნველყოფაზე დაფუძნებულ საერთო ინფრასტრუქტურას იყენებს და საჭიროების შემთხვევაში მას სხვა კომპანიებსაც სთავაზობს.
ბაზარზე პირველი საპილოტე აპლიკაციების გამოჩენა 2019 წლის მეორე კვარტალშია დაგეგმილი. აპლიკაცია გათვლილია კერძო კომპანიებსა და სახელმწიფო უწყებებზე, რომლებსაც საკუთარი ბიზნეს-პროცესების უსაფრთხო და საიმედო დამუშავება სურთ.
მასალების მიხედვით postalandparceltechnologyinternational.com
ასევე წაიკითხეთ
IBM-ის, Omnicom-ისა და Publicis-ის კომპანიების კონსორციუმმა ბლოკჩეინის რეკლამაში გამოყენების ხერხებზე ისაუბრა
ბლოკჩეინ ტექნოლოგიების შემსწავლელი კონსორციუმის სამუშაო ჯგუფმა, რომელიც IBM, IPG Reprise Digital, Omnicom Media Group, Publicis Media, GroupM, CoinDesk, MAD Network და სხვებისგან შედგება, white paper-ი მოამზადა, რომელშიც ბლოკჩეინ ტექნოლოგიებთან დაკავშირებული საკითხები არის განხილული
სამხრეთ კორეა ბლოკჩეინზე ონლაინ-არჩევნების სისტემას ტესტავს
თუ ტესტირება წარმატებით დასრულდა, სამხრეთ კორეაში ბლოკჩეინ-არჩევნების ქლაუდ სისტემა გაეშვება. The Korea Times-ის ინფორმაციით, სისტემის შექმნის პროცესი დეკემბერში დასრულდება. ეროვნულმა საარჩევნო კომისიამ და ინფორმაციული ტექნოლოგიებისა და მეცნიერების სამინისტრომ უსაფრთხო ონლაინ ხმის მიცემის სისტემა ერთობლივად შექმნეს.
უკანასკნელი სტატიები კატეგორიიდან Blockchain
