Huobi მსოფლიოში ერთ-ერთი უმსხვლესი კრიპტოვალუტური ბირჟაა. ცოტა ხნის წინ მან რისკის ზონაში მყოფი 32 ციფრული ვალუტის ჩამონათვალი გამოაქვეყნა.
კომპანია "ST" მარკირებას უკეთებს კომპანიებს, რომლებიც ტოკენებს უშვებენ და თავიანთ კვარტალურ ან ნახევარწლიან ანგარიშს თავის დროზე ზედიზედ ორჯერ არ აქვეყნებენ.
ასევე ბირჟა "ST" იმ ორგანიზაციებს აფრთხილებს, ვისი ტოკენებიც 15 დღის განმავლობაში დღიურ საშუალო $50 000 მოცულობაზე ვერ ადის და მათთვის, ვინც გამცვლელის წესებს არღვევს.
გაფრთხილება მიიღეს შემდეგმა ციფრულმა მონეტებმა: APPC, BCV, BFT, DAT, DGD, EKO, ENG, EVX, GAS, IDT, IIC, LUN, MDS, MT, MTL, MTN, MTX, OST, PRO, QSP, QUN, RCN, RDN, RTE, SALT, STK, TNT, UTK, WPR, XMX, ZJLT და ZLA.
გადამცვლელის წარმომადგენლებმა განაცხადეს, რომ ეს 32 მონეტა არასაკმარისი ვაჭრობის მოცულობის დემონსტრირებას ახდენდნენ. მიუხედავად ამისა, 26 დეკემბერს თანამშმრომლები ყველა ჩამოთვლილ ტოკენს განმეორებით გადაამოწმებენ. იმ შემთხვევაში, თუ ყველა მოთხოვნა დაკმაყოფილდება, Huobi-მ შეიძლება დელისტინგის პროცედურა ჩაატაროს.
მანამდე Huobi ჩინეთის უმსხვილესი ბირჟა იყო, თუმცა, კრიპტოვალუტური ორგანიზაციების მიმართ სახელმწიფო რეპრესიების გამო, მისმა მმართველობამ სინგაპურში სათავო ოფისის გადატანა გადაწყვიტა, მაგრამ ამ მომენტისთვის, იგი მსოფლიოში ვაჭრობის მოცულობით მეოთხე ადგილს იკავებს და CoinMarketCap_ის ინფორმაციით, ბირჟა დღეში დაახლოებით მილიარდი დოლარის გაცვლით პროცესს ამუშავებს.
მასალების მიხედვით www.financemagnates.com
ასევე წაიკითხეთ
Bitfinex- ის ინსტუმენტების ახალი ნაკრები კრიპტოტრეიდინგს გააუმჯობესებს
გასულ კვირას კრიპტობირჟა Bitfinex-მა მომხმარებლებს Honey Framework - საკუთარ პლატფორმაზე პროგრამირებადი ტრეიდინგისთვის საჭირო ინსტრუმენტების ნაკრები შესთავაზა. ამიერიდან მომხმარებლებმა Honey Framework-ის მეორე ელემენტი, საკუთარი სავაჭრო სტრატეგიების შესაქმნელად განკუთვნილი მისი სტრატეგიული ნაწილი მიიღეს.
Kraken: Bitcoin Cash SV-ში ინვესტიცია, დიდ რისკს უკავშირდება
სან-ფრანცისკოში დაფუძნებული კრიპტობირჟა Kraken-ი, ერთ-ერთი უმსხვილესი და უსაფრთხო პლატფორმა, მომხმარებლებს ტოკენ Bitcoin Cash SV (BCH SV)-ით ვაჭრობასთან დაკავშირებულ რისკების შესახებ აფრთხილებს და აცხადებს, რომ ფორკი ბირჟის მიერ მოთხოვნილ ყველა ლისტინგურ მოთხოვნას არ ასრულებს.
უკანასკნელი სტატიები კატეგორიიდან ბირჟები
