ტვიტერი ფეიკ კრიპტოვალუტის რეკლამით არის გადაჭედილი და თაღლითებმა ფეისბუკ-სივრცის ათვისებაც გადაწყვიტეს. ტვიტერში თაღლითები უფასო ბიტკოინების დარიგების ხერხს იყენებენ, ხოლო ფეისბუკზე, მათ მომხმარებლებისგან საკრედიტო ბარათების შესახებ ინფორმაციის გამოტყუება სცადეს.
ერთ-ერთ ასეთ პოსტს CNBC-ის ყალბ გვერდზე გადავყავართ, სადაც მომხმარებელს, დიდი მოგების ნახვას არარსებულ კრიპტოვალუტაში - CashlessPay-ში, ინვესტირების შედეგად ჰპირდებიან. როგორც კი თქვენ ფეიკ გვერდზე მითითებულ ბმულზე გადადიხართ, თაღლითობის კვალი უფრო ნათლად ჩანს, თუმცა გაურკვეველი მომხმარებელი, შესაძლოა, მოტყუვდეს. პირველ რიგში, URL მისამართი, CNBC-ის დომენს არ შეესაბამება.
საიტზე განთავსებული ინფორმაცია გვამცნობს, რომ სინგაპურმა ახალი კანონი მიიღო, რომელიც კრიპტოვალუტის აღიარების პროცესს ემსახურება და ასევე, საკუთარი ტოკენის - Singapore official coin-ის გამოშვებასაც გეგმავს. ამავე ინფორმაციის თანახმად, მონეტის ყიდვა-გაყიდვას კომპანია CashlessPay Group-ის დახმარებით იქნება შესაძლებელი. საიტზე სხვა ყალბი კრიპტოვალუტის CashlessPay-ის ბმულიც არის მითითებული და არცერთი მათგანი არ მუშაობს. მუშაობს მხოლოდ ვებ-გვერდის ზედა მხარეს განთავსებული სარეგისტრაციო ფორმა, რომელიც მომხმარებლებმა უნდა შეავსონ და პერსონალური მონაცემები მიუთითონ, მათ შორის - ტელეფონის ნომერი და ელექტრონული ფოსტის მისამართი.
მას შემდეგ, როდესაც „მსხვერპლი“ აღნიშნულ ფორმას შეავსებს, საიტი მას კრიპტოვალუტური პლატფორმების Roiteks-ის ან CoinPro Exchange-ის გვერდებზე ამისამართებს. არცერთი პლატფორმა დარეგისტრირებული არ არის, რაც სავსებით ლოგიკურია. მიუხედავად იმისა, თუ რომელ გვერდზე აღმოჩნდება მომხმარებელი, მას პირადი ინფრომაციის მითითებას კიდევ ერთხელ სთხოვენ და შემდეგ კი - საკრედიტო ბარათის მონაცემებს.
ჩვენმა ჯგუფმა საგადასახადო საშუალების ტესტირებისთვის კომპანია PayPal-ის პოპულარული ინსტრუმენტი გამოიყენა, რათა გაეგო, თუ რა მოხდებოდა საკრედიტო ბარათის შესახებ ინფორმაციის განთავსების შემდეგ. ყველა ტრანზაქცია უარყოფილი იქნა.
აქედან გამომდინარე, მიუხედავად იმისა, რომ სკამერები კრიპტოვალუტის პოპულარულობას თავიანთი მაქინაციებისთვის იყენებენ, ფულის მოპარვა მათ ძველი მეთოდით -საბანკო ანგარიშიდან სურთ.
საინტერესოა ისიც, რომ თაღლითებმა თავიანთი ყალბი რეკლამის განთავსება ფეისბუკის უსაფრთხოების გავლით მოახერხეს.
მასალების მიხედვით https://thenextweb.com
ასევე წაიკითხეთ
არიზონას შტატში კრიპტოვალუტური თაღლით-ტრეიდერი წლინახევრით დააპატიმრეს
არიზონას შტატში კრიპტოვალუტური თაღლით-ტრეიდერი წლინახევრით დააპატიმრეს. ილინოისის შტატის პროკურატურა ავრცელებს, რომ, არიზონას შტატში, ქალაქ ფენიქსში მცხოვრები 24 წლის ჯოზეფ კიმს, კრიპტოვალუტასთან თაღლითობის ბრალდებით, 15 თვიანი პატიმრობა მიესაჯა. კერძოდ, მან Bitcoin-ის და Litecoin-ის 600 000 დოლარის ექვივალენტი ყოფილ დამსაქმებელსა და 540 000 დოლარი საკუთარ ნაცნობებს მონეტების სახით მოპარა.
21 წლის ჰაკერმა ბიზნესმენებს მილიონ დოლარზე მეტი მოპარა
New York Times-ის მონაცემებით, მანჰეტენის პოლიციამ 21 წლის ნიკოლას ტრუგლია დააკავა, რომელიც უცხო მობილურ ტელეფონებს ტეხავდა, რათა მათი კრიპტოვალუტა მოეპარა.
უკანასკნელი სტატიები კატეგორიიდან უსაფრთხოება
